ചങ്കൂറ്റം ഉള്ള എല്ലാ സ്ത്രീകൾക്കുമായി ഇ പോസ്റ്റ് സമർപ്പിക്കുന്നു.
.” ചേച്ചി, ഭര്‍ത്താവ് വിളിച്ചിരുന്നോ ഗള്‍ഫില്‍ നിന്ന്” ” ഉം, വിളിച്ചിരുന്നു. നീ വന്ന കാര്യം പറ ”അവൻ തന്റെ പോക്കറ്റില്‍ നിന്നും മൊബൈല്‍ ഫോണെടുത്ത് അവള്‍ക്ക് നേരെ നീട്ടി. ” ഈ വീഡിയോ ചേച്ചിയൊന്ന് കാണണം” മൊബൈല്‍ വാങ്ങി വീഡിയോ കണ്ട അവള്‍ ഞെട്ടിത്തരിച്ചുപോയി. പൂർണ നഗ്നയായി അവള്‍ കുളിക്കുന്നതിന്റെ വീഡിയോ ആയിരുന്നു അത്.
അവള്‍ അവനെ ദയനീയമായി ഒന്ന് നോക്കി ” എന്തിനാ നീ ഇത് ചെയ്തേ..?” നിന്നോട് എന്നെങ്കിലും ഞാന്‍ മോശമായ രീതിയില്‍ പെരുമാറിയിട്ടുണ്ടോ..? ഒരു അനിയനെ പോലെയല്ലേ നിന്നെ ഞാന്‍ കരുതിയിട്ടൊള്ളൂ, ഈ നിമിഷം വരെ …എന്നിട്ടും… നീ”
” ഇനിയും നീ ഈ കാര്യവും പറഞ്ഞ് എന്റെ അടുത്ത് വന്നാല്‍ ഞാന്‍ ചേട്ടനെ വിളിച്ചു പറയും ”
അവൻ പൊട്ടിച്ചിരിച്ചു ” അയ്യോ!! വേണ്ട ചേച്ചി, ചേച്ചി പറയേണ്ട. ചേട്ടന്‍ കണ്ടോളും യു ട്യൂബിൽ നിന്നും ഫേസ്ബുക്കിൽ നിന്നുമൊക്കെയായിട്ട്…. ചേച്ചീടെ ഹോട്ട് വീഡിയോസ്”
മായക്ക് തല കറങ്ങുന്നത് പോലെ തോന്നി. അവള്‍ കുറച്ച് വെള്ളം കുടിച്ചു. അവനോട് ഒരുപാട് കെഞ്ചി നോക്കിയെങ്കിലും അവന്റെ മനസ്സ് മാറിയില്ല. ഒടുവില്‍ അവന്റെ കാലില്‍ വരെ അവള്‍ വീണു, പക്ഷെ അവന്ഒരു അനക്കവും ഇല്ലായിരുന്നു.ഒടുവില്‍ അവന്‍ പറയുന്നത് പോലെ അനുസരിക്കാം എന്ന് അവള്‍ സമ്മതിച്ചു.” ഇന്ന് രാത്രി ഞാന്‍ വരും. , കെട്ടോ”...അവള്‍ തന്റെ കണ്ണീര് തുടച്ചു മാറ്റി 'ശരി' എന്ന അര്‍ത്ഥത്തില്‍ തലയാട്ടി.
പറഞ്ഞത് പോലെ അന്ന് രാത്രി അവന്‍ അവളുടെ മുറിയെ ലക്ഷ്യമാക്കി നടന്നു. മുറിയിലെത്തി ലൈറ്റിട്ട അവന്‍ ഞെട്ടി.
ആ മുറിക്കകത്ത് അവന്റെ അച്ഛന്‍, അമ്മ, ചേട്ടന്‍, അനിയത്തി എന്നിവര്‍ അവനേയും കാത്തിരിപ്പുണ്ടായിരുന്നു.
അവരെ കണ്ടതും ഓടാന്‍ ശ്രമിച്ച അവനെ ചേട്ടന്‍ പിടികൂടി, തലങ്ങും വിലങ്ങും മർദ്ദിച്ചു. അവനെ കൊണ്ട് മായയുടെ കാൽകൽ വീണ് മാപ്പ് പറയിച്ചു. മായ അവനെ ഒന്ന് നോക്കി.
” എന്റെ മുഖത്ത് പോലും നോക്കാതെ നടക്കുന്ന പയ്യനാ, നിനക്ക് ഇങ്ങനെ ഒരു മുഖമുള്ള കാര്യം അറിഞ്ഞിരുന്നില്ല ഞാന്‍. നിന്റെ ഭീഷണിക്ക് ഞാന്‍ വഴങ്ങി തന്നിരുന്നെങ്കിൽ നീ അതും വെച്ച് ജീവിതകാലം മുഴുവന്‍ എന്നെ വേട്ടയാടിയേനേ. ഞാന്‍ കുളിക്കുന്നത് ഒളി ക്യാമറ വെച്ച് എടുത്തതല്ലേ നിന്റെ കയ്യിലൊള്ളൂ, അല്ലാതെ ഞാന്‍ മറ്റൊരാളുമായി കിടക്ക പങ്കിടുന്നതിന്റെ ഒന്നും ഇല്ലല്ലോ. നിനക്ക് വഴങ്ങിയിരുന്നെങ്കിൽ ചിലപ്പോള്‍ ആ വീഡിയോയും കാണിച്ച് പലരും നീ വന്നപോലെ ഈ വീട്ടില്‍ കയറി വരുമായിരുന്നു".
;Edits by RAJ
